Ինչպե՞ս ընտրել ճիշտ կիթառ․ Հարցազրույց Sound Lab երաժշտական դպրոցի կիթառի ուսուցիչ՝ Երեմյա Մալաթչանյանի հետ.

-Կա՞ տարբերություն երեխաների և մեծահասակների կիթառների մեջ:Երեմ Մալաթչանյան.  

Այո կա, քանի որ կիթառի չափը մեծ նշանակություն ունի։ Երեխաների համար կան կիթառների ավելի փոքր տարբերակներ՝ 4/4, 4/3, 4/2, որոնք ավելի հարմար են փոքր ձեռքերի համար։ Մեծահասակների համար առավել հարմար են ավելի մեծ չափի կիթառները, բայց պետք է նաև հաշվի առնել գործիքի հարմարավետությունը, մարմնի չափը և պարանոցի լայնությունը։ ՈՒստի սա մի փոքր անհատական մոտեցման հարց է։

-Ինչի՞ վրա պետք է ուշադրություն դարձնել խանութում կիթառ ընտրելիս:

Երեմ Մալաթչանյան.   
Խորհուրդ եմ տալիս ուշադրություն դարձնել մի քանի կարևոր ասպեկտների վրա. Նախ, փորձեք խաղալ տարբեր մոդելների վրա: Ստուգեք պարանոցի հարմարավետությունը՝ այն պետք է հարմար տեղավորվի ձեր ձեռքում, իսկ լարերը չպետք է շատ ծանրաբեռնեն ձեր մատները։ Նաև ուշադիր ստուգեք հենց անմիջապես գործիքը՝ նրա վրա ճաքեր կամ թերություններ չպետք է լինեն: Եվ, իհարկե, ստուգեք ձայնը. գործիքը պետք է հստակ հնչի իր բոլոր լարերով:

-Կիթառի ապրանքանիշը արդյո՞ք կարևոր է։

Երեմ Մալաթչանյան.   
Իհարկե, հայտնի ապրանքանիշերը, ինչպիսիք են Yamaha-ն, Fender-ը, Ibanez-ը, արտադրում են բարձրորակ գործիքներ: Բայց դա չի նշանակում, որ միայն նրանք են ուշադրության արժանի։ Քիչ հայտնի ապրանքանիշերը նույնպես կարող են լավ մոդելներ առաջարկել, հատկապես սկսնակների համար: Առաջնահերթությունը պետք է տրվի ոչ թե ապրանքանիշին, այլ նրան թե որքանո՞վ է համապատասխանում տվյալ գործիքը հենց ձեզ։

-Իսկ ո՞ր կիթառի վրա խորհուրդ կտաք սովորել սկսնակին։

Երեմ Մալաթչանյան.  
Սկսելու համար ես խորհուրդ կտայի դասական կիթառ՝ նեյլոնե լարերով: Այն ավելի հեշտ է սկսնակների համար և թույլ է տալիս զարգացնել տեխնիկան՝ առանց ձեռքերը ծանրաբեռնելու: Եթե նախընտրում եք ժամանակակից երաժշտություն, կարող եք սկսել ակուստիկ կիթառից: Իսկ նրանց համար, ովքեր արդեն վստահ են իրենց ընտրության մեջ և ցանկանում են սուզվել ռոքի կամ ջազի մեջ, կարող են դիտարկել էլեկտրական կիթառը:

-Շնորհակալ եմ աչափ հետաքրքիր ինֆորմացիայի համար: Իսկ Sound Lab երաժշտական դպրոցում արդյո՞ք հնարավոր է սովորել կիթառ նվագելու տարբեր ոճեր, և որո՞նք են ձեր դպրոցում սովորելու առավելությունները:

Երեմ Մալաթչանյան.  
Sound Lab-ում մենք սովորեցնում ենք կիթառ նվագելու բոլոր ոճերը՝ դասական և ակուստիկից մինչև էլեկտրական կիթառ և բաս կիթառ: Մեզ մոտ դուք կարող եք սովորել ոչ միայն հիմունքները, այլև խորությամբ ուսումնասիրել ջազ, ռոք, փոփ, բլյուզ և շատ այլ ժանրեր: Դպրոցը յուրաքանչյուր աշակերտին առաջարկում է անհատական մոտեցում՝ անկախ պատրաստվածության աստիճանից։ Մենք ծրագիրը հարմարեցնում ենք ուսանողի նպատակներին՝ լինի դա հոբբի, թե մասնագիտական կարիերա:

Բացի այդ, Sound Lab-ում սովորելու ընթացքում, դուք ունեք հնարավորութուն ընդգրկվելու անսամբլի և նվագախմբի մեջ, որը կօգնի յուրաքանչյուրին զարգացնել ոչ միայն իր պրոֆեսիոնալ հմտությունները, այլև կզարգացնի յուրաքանչյուրի մեջ թիմում աշխատելու ունակությունները: Սա կարևոր քայլ է իրական, երաժշտական խմբի անդամ զգալու համար: Մենք նաև ակտիվորեն մասնակցում ենք համերգներին և միջոցառումներին՝ մեր ուսանողներին տալով բեմում հանդես գալու մեծ փորձ:

-Շնորհակալություն հարցազրույցի համար, Երեմ: Համոզված եմ, որ ձեր խորհուրները կօգնեն շատերին ընտրել ճիշտ կիթառ և սկսել իրենց ճանապարհորդությունը դեպի  երաժշտության աշխարհ։

Երեմ Մալաթչանյան.
Շնորհակալություն ձեզ նույնպես։
Ուրախ կլինեմ տեսնել բոլորին Sound Lab-ում, որտեղ յուրաքանչյուրը կգտնի իր երաժշտական ուղին։